施洛蜜月期結束？利物浦主場55年首負森林

周六(14日)英超賽事，開季3連勝嘅利物浦主場出擊，意外0比1輸畀諾定咸森林，荷蘭領隊施洛上任後首嘗敗仗，亦係「紅軍」自1969年後，55年來首次主場輸畀森林。施洛賽後批評球隊表現差勁，「蜜月期」可能已經結束。

開咧3連勝嘅利物浦今仗用番「勝利11人」，不過球員經過國際賽後明顯出現疲態，60分鐘阿歷斯麥亞里士打被換出後，更加連組織力都欠奉，72分鐘更被森林一直簡單反擊打擊，赫臣奧度爾左路推至禁區頂勁射破網，送「紅軍」今季首場敗仗。

施洛賽後表示：「我哋喺一啲簡單環境下交失好多波，亦係今場比賽故事嘅主調，控球質素好低，主場輸波絕對係一大打擊。」施洛對利物浦後備球員信心不足，但周中就到歐聯開波，賽程將會更加密集，施洛條路亦會更難行。