修咸頓「黑仔王」　創英超史上最尷尬紀錄

今季重返英超嘅修咸頓，周六(14日)主場吞曼聯3蛋後，陣中嘅智利國腳比尼頓亦創下最尷尬紀錄，歷來18場英超從未贏過波，成為史上最長不勝嘅「黑仔王」。

25歲嘅比尼頓踢過森林同布力般流浪，但兩間球會都係踢英冠，之後轉戰西甲維拉利爾半季，今年1月外借錫菲聯，雖然佢踢14場入6球，但錫菲聯喺呢14場英超只得4和10負。今個暑假佢獲修咸頓收購，可惜頭4輪聯賽輸晒，意味佢足球生涯18場英超都未贏過波，打破前保頓、般尼球員索迪爾，歷來17場英超未贏過波嘅紀錄。

修咸頓下輪英超聯賽會喺主場對葉士域治，相信係比尼頓打破魔咒嘅好機會。