曼聯將同迪亞路續約　至少加薪一倍

曼聯科特迪瓦翼鋒阿密特迪亞路將於明年夏天約滿，會方將開啟續約談判，據報至少加薪一倍，同時為避免球員明年一月與其他球隊接觸，曼聯將開啟延長合約一年條款。

曼聯今季續漸器重呢位22歲小將，連同上季近9場比賽7次正選上陣，雖然迪亞路今夏曾表示無意離隊，希望在曼聯踢到掛靴，但球會都要有實際行動，續約加薪屬指定動作。

迪亞路人工偏低，周薪只有2.8萬鎊(約28萬港元)，今次續約據報加薪一倍已是最基本，不排除再加，如果雙方無法在明年一月前達成協議，曼聯將啟動延長一年合約條款，避免球員自由轉會。

迪亞路續約機會甚高，原因除咗佢本人想留低，今季佢亦換咗經紀公司，與阿歷真度加拿祖使用同一間公司，早前加拿祖已經同曼聯續約5年，估計迪亞路都一樣會續5年約。