巴塞大鑊了　奧莫受傷抖5星期

巴塞隆拿上場西甲以4比1大勝基羅納，但亦付出沉重代價，入波功臣之一嘅中場丹尼爾奧莫受傷，估計需要休息5星期，缺陣8場大戰，對於球隊絕對係重大打擊。

丹尼爾奧莫上場射入1球，但踢到61分鐘受傷退下火線，據悉呢位26歲西班牙國腳嘅二頭肌受傷，周五(20日)凌晨歐聯作客摩納哥，肯定唔使預佢，並可能缺陣另外2場歐聯及5場西甲。

丹尼爾奧莫今夏由RB萊比錫轉投巴塞隆拿，上陣3場聯賽都有波入，迅速奠定主力地位，佢養傷勢必削弱球隊攻力。巴塞隆拿方面現時只能希望丹尼爾奧莫趕及出戰10月底西甲「國家打吡」作客皇馬。