坦哈格警告安東尼：請證明自己有能力踢正選

曼聯將於周三(18日)凌晨英聯盃主場對班士利，預料紅魔鬼將會輪換陣容，長坐冷板嘅貴價翼鋒安東尼馬菲奧斯會唔會擔正，備受關注，賽前領隊坦哈格警告呢位巴西國腳，必須重拾勇態，先至有機會擔正。

安東尼馬菲奧斯今季僅1次上陣，而且係比賽末段後備入替，坦哈格被傳媒問到呢位「契仔」情況時，佢話：「球員必須為獲得上陣機會而戰，所以要做正確嘅事，要有良好態度，並喺操練中展現令人印象深刻嘅表現，安東尼必須重回正軌，如果佢努力工作，絕對有能力做得到，佢正在為自己嘅位置而戰，亦係我對所有球員嘅期望。」

至於安東尼馬菲奧斯今場英聯盃能否獲得更多上陣時間，大家拭目以待。