機會來了！夏蘭特勢破C朗最快「百球紀錄」

曼城前鋒艾寧夏蘭特上場英超梅開二度之後，累積為「藍月亮」上陣103場入99球，呢位挪威國腳只要周四(19日)凌晨歐聯主場對國際米蘭，再入1球，就可以打破C朗保持嘅為單一球會最快入100球嘅紀錄。

C朗當年效力皇馬，踢首105場入100球，成為史上為單一球會最快入100球嘅球員，艾寧夏蘭特2022年夏天加盟曼城，首季各項賽事上陣53場入52球，上季踢45場入38球，加上今季5次披甲入9球，換言之句共上陣103場入99球。

因此，曼城嚟緊歐聯對國際米蘭，將會係夏蘭特第104次為「藍月亮」上陣，只需要入1球，就剛好可以打破C朗紀錄，以呢位「魔人」近4場都有波入嘅走勢，相信好大機會刷新紀錄。