紅魔踢盃賽少入波 曼聯輪換「細」鍊班士利
2024年09月17日 19:02
東網電視
更多新聞短片
英聯盃第3圈，曼聯主場迎戰班士利。
英聯盃第3圈，曼聯於奧脫福球場迎戰英甲球隊班士利。曼聯雖然係前屆冠軍，但領隊坦哈格堅持用大部分副選出戰，上屆第4圈出局，相信此部署今季唔會有太大轉變，因此亦會影響鋒力，預料入波唔會多，推介3.5球入球細。（周三凌晨3時開賽）
即使唔講曼聯喺盃賽留力，「紅魔鬼」本身都受到傷兵困擾，上場英超雖然作客贏修咸頓，叫做重回正軌，但利辛度馬天尼斯拉傷腹股溝，馬沙拉奧腳筋受傷，即使唔嚴重，都唔會夾硬出，加埋原本嘅域陀連迪路夫、勞基梳爾、蘭尼約路同杜維爾馬拉西亞，全部後衞做晒「十字兵」，今場被迫起用年輕球員，前面都唔敢谷得太上。
另一方面，班士利實力比曼聯弱幾班，預料佢哋作客都會擺重後防，盡量減少失球，博吓反擊爆冷，既然曼聯近7場英聯盃，全部開3球或以下，入球細值得一試。
更多賠率：