巴塞開高薪長約綁實耶馬　網民：真係有糧出？

根據西班牙《馬卡報》爆料，巴塞隆拿計劃明年夏天，等新星拉明耶馬年滿18歲，同呢位西班牙國腳續約至2030年，並會大幅增加佢嘅人工至稅後1,000萬歐元(約8,670萬港元)年薪。不過，巴塞隆拿近年陷入財困，唔少網民質疑球會能否提供巨額薪酬。

拉明耶馬上年10月同巴塞隆拿續約3年，但年薪只有150萬歐元(約1,300萬港元)，同佢今屆歐國盃及今季西甲神勇表現，完全唔匹配。根據國際足協規定，未滿18歲球員最多只能續約3年，所以巴塞管理層已經計劃明夏，拉明耶馬「夠秤」，立即再佢同續約至2030年，年薪增加至稅後1,000萬歐元，以免被其他大球會挖角。

此外，巴塞隆拿亦希望同拉明耶馬之後，可以順勢說服加維、古巴斯、費明盧比斯等新世代球員續長約，鞏固未來人腳班底。