馬迪爾去希臘落班　仲要大幅降薪

離開曼聯後一直搵唔到班落嘅安東尼馬迪爾，近日終於有着落，據報佢同希臘球隊AEK雅典達成口頭協議，稍後簽約作實，希臘球隊資源有限，好難高薪簽巨星，安東尼馬迪爾嘅周薪降到4.8萬鎊(約48萬港元)，比曼聯時期大減8成。

28歲嘅安東尼馬迪爾在曼聯周薪高達25萬鎊(約250萬港元)，由於回復自由身，佢一直希望搵一間可以承擔佢高人工嘅球隊，不過一直冇着落，歐洲豪門唔要佢，就連最叠水嘅沙特都並無向佢開價，結果夏窗結束後佢仍然冇班落。

多間傳媒證實，AEK雅典同安東尼馬迪爾達成口頭協議，將簽約3年，不過年薪只得250萬鎊，周薪大約為4.8萬鎊，只及曼聯時嘅25萬鎊周薪不足20%，但係佢已經冇得選擇，一係簽，一係繼續失業。