連格又出事　玩電動滑板車接受調查

連格轉戰韓職表現漸入佳境，上陣18場入4球，加上明星效應，令球隊關注上升，但係太出名都會出事，事緣佢社交平台上載一張圖片，圖中見佢玩緊電動滑板車，亦因為咁，就要接受首爾執法人員調查。

原來連格涉嫌觸犯「無牌駕駛電動滑板車」法例，佢個社交平台多人留意，包括首爾執法人員，雖然已經好快刪除，但都冇用，見佢玩電動滑板車玩得咁過癮，就去搞搞佢；連格接受調查事項包括，一、駕駛電動滑板車有否持有有效牌照，二、駕駛時有否飲酒。

南韓傳媒翻查紀錄，連格去年有超速同醉酒駕駛，被判罰款同吊銷牌照18個月。