【官宣】比列錫自由身加盟燕豪芬

35歲嘅克羅地亞名將比列錫，今個夏天同夏德解約後一直未有落班，周四(19日)終於宣布以自由身加盟燕豪芬，同呢支荷甲勁旅簽約1年，並且可以即時上陣。

曾效力多蒙特、國際米蘭、拜仁慕尼黑、熱刺等大球會嘅比列錫，簽約後表示：「自從回復自由身後，我一直等呢個機會，一間令我覺得舒服而有機會爭冠嘅球會，我問過前隊友杜費斯嘅意見，佢令我更加相信加盟燕豪芬係正確選擇，我等唔切要落場幫球隊爭冠軍。」

燕豪芬今季喺荷甲開咧5戰全勝，而且有份出戰歐聯，經驗豐富嘅比列錫加盟會令球隊如虎添翼，燕豪芬周日(22日)荷甲作客幸運薛達，比列錫有望首度披甲。