亞冠盃2　東方落敗仍獲認同　哥斯達：係一支好球隊

東方周四（19日）於「亞冠盃2」E組分組賽首戰，作客淨吞FC悉尼5蛋，惟場上出現了有趣一幕，FC悉尼球星杜格拉斯哥斯達在比賽途中，曾主動與東方主教練盧比度談話。而前者在接受東網記者訪問時，則大讚東方是一支很好的球隊。

東方今場面對澳職勁旅FC悉尼，表現並不失禮，前鋒巴杜姆更接二連三獲得埋門機會，可惜未能把握，Chino賽後出席記者會，為球員表現感到驕傲：「開波前已經預計過場波好難踢，大家已竭盡所能，一啲都冇怯場。如果上半場我哋領先到，對全隊嚟講，都係好大嘅鼓舞。」Chino續指今場比賽過後，完全體會到與澳洲足球水平差距，又認為中場馬高斯的傷出，並非大敗關鍵，盼將來再面對類似強勁對手時，可以有力一戰。

除此之外，Chino又大方透露與FC悉尼球星杜格拉斯哥斯達，在場上的談話內容：「佢同我講，東方都踢得唔算太差，好難得就算我哋輸5球，都得到稱讚。」至於杜格拉斯哥斯達接受東網記者訪問時，亦不忘評價東方表現：「搭長途機嚟比賽，真係唔容易。我都喺場上同教練講，東方係一支好球隊，值得欣賞。」