亞冠盃2　速率成分野　梁振邦：比數唔應該咁大　

東方周四（19日）於「亞冠盃2」首場分組賽作客FC悉尼，賽後踢足全場的隊長梁振邦，承認兩隊實力的確有差距，但對最終以5球落敗感失望，同時他又認為最大的勝負分野，屬於兩隊球員在場上的速率。

東方最終不敵FC悉尼，賽後隊長梁振邦一度坐在後備席，與隊友討論比賽過程。而在受訪時他承認兩隊實力有差距，但認為絕不應以如此大比數落敗：「對手係勁嘅，但我覺得可以做得更加好。始終場波有啲失球，大家都覺得可以避免，比數唔應該咁大囉。」

提到今場最大勝負分野，「傻邦」則認為屬於場上速率：「除咗技術，佢哋用個波、速度都比我哋快。好似我球烏龍波，本身以為個波出界，估唔到佢快追得番，個波一到，想縮都縮唔切。」此外，對於球隊尾段派出多名年青球員上場，「傻邦」則認為屬於好事：「希望年青球員吸收完經驗，喺嚟緊比賽，帶動番我哋老將，大家一齊進步。」