咪再鬧佢！坦哈格盃賽勝率超9成

曼聯日前英聯盃大炒班士利7比0，加埋聯賽贏修咸頓3比0，兩場入咗10粒，信心返晒嚟，據統計，原來坦哈格係自費格遜之後，本土盃賽勝出率最高主帥，勝率高達90.5%，紅魔鬼想捧盃，真係要靠坦哈格先得。

統計數據顯示，坦哈格帶領曼聯踢過21場本土盃賽（英聯盃及足總盃），戰績為19勝2負，兩個球季3度打入決賽，已經捧咗兩隻盃，就係前季英聯盃同上季英足盃，今季英聯盃又以一場大勝起步，開靚個頭。

比較曼聯費格遜後各主帥本土盃賽勝率，坦哈格肯定係最高，排第2係摩連奴，勝率75%)、蘇斯克查勝率70.8%、尹戈爾66%、莫耶斯50%。

所以坦哈格近期有言論表示，自己係除曼城外近年英超捧盃最多球隊，並唔係吹水，係有根有據。