阿仙奴出售富安健洋　意甲3豪門接貨

阿仙奴今夏簽入卡拉科利，加上祖利安添巴即將復出，日本國腳富安健洋出場順序不斷下降，近日該全能後衞受到3大意甲豪門垂青，阿仙奴打算放人。

25歲嘅富安健洋效力阿仙奴4季，過去3季上陣83場，今季受傷未有上陣，佢合約仲有兩年，因此阿仙奴趁佢值錢考慮賣走佢。

其實富安健洋今夏同國際米蘭已經有聯繫，近日再有消息指祖雲達斯同拿玻里對呢位日本國腳有興趣，3大意甲球隊爭奪，阿仙奴自然可以賣出一個好價錢。

富安健洋在《轉會市場》身價為3,500萬歐元(約3億港元)，阿仙奴打算標價2,500萬鎊(約2.5億港元)，呢場富安爭奪戰當中國米暫時領先。