雲佬向拉爵建議　收購杜辛華荷域

今季重返曼聯出任助教嘅雲尼斯達萊，據報近日向新股東拉特克利夫提議，再買一名正中鋒，人選係祖雲達斯嘅杜辛華荷域。

曼聯現時有兩名前鋒，分別係海倫同約舒亞舒克斯，當中只有海倫係正中鋒，但經常受傷，約舒亞舒克斯係後上前鋒，今季已多次錯失門前機會，雲佬認為曼聯鋒力不足，有需要再買中鋒。

據報「雲佬」直接向「拉爵」建議，考慮簽入杜辛華荷域，今季先派球探密切留意該塞爾維亞中鋒比賽情況，再搵機會出手。

24歲嘅杜辛華荷域同祖雲達斯尚餘兩年，明夏係曼聯出手好機會，不過該射手身價不低，祖記兩年前買佢就用咗8,000萬歐元，如果曼聯提出斟介，價錢隨時破億。