阿諾特收購法甲南特　報價1億歐元

明夏約滿利物浦嘅阿歷山大阿諾特，準備食大茶飯，據報佢透過父親管理嘅投資基金，出價1億歐元(約8.6億港元)，收購現時法甲排第5嘅南特，對方還價1.5億歐元，雙方正在談判中。

阿諾特一直透過父親管理自己資產，而佢就睇中法甲球會，之前有意收購聖伊天同勒哈弗爾，最近將目標瞄準南特。

法國傳媒報道，南特班主今年7月與阿諾特父親進行視像會議，阿諾特團隊提出報價，包括立即支付8,000萬歐元，2,000萬歐元尾數分期支付，並附帶多達4,000萬歐元各類獎金。

雙方已進行多次會談，南特班主還價1.5億歐元，正在討價還價。南特班主被問到賣盤時，照例否認其事，至於利物浦隨隊記者亦指，阿諾特收購南特是假消息。