約路復出日子已定　首仗即遇大戰

曼聯新簽貴價中堅蘭尼約路自從7月底季前熱身賽對阿仙奴一役受傷後，一直缺陣，最新消息指呢位18歲法國新星將於12月初復出，迎戰英超對阿仙奴。

蘭尼約路今夏以5,900萬鎊(約6.1億港元)轉會費由里爾加盟曼聯，原本喺季前熱身賽有不俗表現，但「美國之旅」同阿仙奴交鋒，不幸受傷導致跖骨骨折，並接受手術。

據悉蘭尼約路需要休息3個月，理論上11月可以復出，但紅魔鬼簽入馬菲斯迪歷特之後，領隊坦哈格並唔急於要求約路復出，希望等佢100%痊愈，以及操起狀態先至披甲，以免再次受傷。

曼聯內部消息人士指蘭尼約路最大機會等到12月先至上陣，紅魔鬼將於12月4日凌晨英超作客勁敵阿仙奴，屆時可能需要蘭尼約路幫手。