港超聯　大埔痛失兩分　謝家榮：冇得怪隊友

大埔周六（21日）在「中銀人壽香港超級聯賽」，下半場中段起10人應戰下，被冠忠南區在完場前逼和1比1，是役屢救險球的「綠戰士」門將謝家榮賽後相當失落，但他稱不會怪責被逐離場的杜國榆（Remi），又鼓勵隊友繼續奮戰，爭取佳績。

「綠戰士」今場雖然有盧卡斯先開紀錄，領先上半場，但換邊後杜國榆兩黃一紅被逐，令形勢急轉直下，縱使「家榮」多次救出對方攻門，可惜大埔到完場前最後一刻，被基哥利門前得手，痛失兩分，但「家榮」坦言需要時間消化賽果，但強調不會怪責杜國榆：「雖然冇辦法捱到尾，攞哂3分，但我覺得今場冇得怪Remi，因為佢只係全心去攔截對手，吓吓搏到盡，最後被球證趕離場都冇人想嘅。」

大埔頭3場聯賽錄2勝1和，「家榮」指球隊開局尚算順利，形容今場賽和「唔係世界末日」：「本身我哋好想第5場對傑志之前，可以連贏4場，雖然全勝走勢去到今個禮拜斷咗，但我哋對住理文同南區，總算保住不敗身，希望大家繼續努力！。」