港超聯　梅開二度　馬查度：傑志仲有力爭冠！

「中銀人壽香港超級聯賽」周六（21日）尾場，傑志在旺角大球場主場贈標準流浪8蛋，取得今季首勝。賽後開齋兼個人梅開二度的翼鋒馬查度，指與陣中隊友默契日漸提升，又相信今場大勝可提升士氣，認為球隊仍是聯賽冠軍有力競爭者。

傑志翼鋒馬查度今場對流浪表現出色，更於上半場已經梅開二度，為大勝揭開序幕，賽後這名葡萄牙翼鋒受訪時亦面露悅色：「開齋當然興奮，但對我嚟講入波唔係最重要，反而球隊贏波令我更加開心。」馬查度續指今季未有為個人入球數字定下目標，僅稱每場皆會竭盡全力，為球隊爭勝。

除此之外，韋頓、明加索夫等一眾前線球員今場亦有進帳，馬查度直言與上述隊友默契有所提升，又直言即使頭兩場失分，傑志仍屬於聯賽冠軍有力競爭者：「頭兩場係艱難，因為好多新球員。但我哋今場前面幾個都踢得幾好，甚至仲可以幫球隊入第10球、11球，絕對提升到大家信心，同埋證明傑志仲有力爭冠。」