內部通知　雲尼斯奧斯獲金球獎

今屆金球得主將在10月28日揭曉，據報主辦機構內部已經預先通知得獎者同贊助商，叫佢哋做好準備，消息好快通晒天，得獎者就係皇馬嘅雲尼斯奧斯祖利亞。

雖然巴西國家隊成績下滑，但「小雲」喺皇馬表現相當突出，上季贏得西甲同歐聯冠軍，歐聯決賽對多蒙特更射入第2球奠勝，全季交出24球11助攻嘅「雙雙」成績。

金球獎將於10月28日在巴黎頒獎，雲尼斯奧斯已獲通知會係當晩嘅明星，贊助商更為佢特別製造金色波砵，似乎佢當選已經十拿九穩。

今年金球獎係2003年以來第一次同時冇C朗同美斯競逐，為咗提升公信力，金球獎機構推出網上投票，雲尼斯奧斯獲得33.1%排名第1，以證明佢當選係眾望所歸。