利物浦副選出擊 照攻韋斯咸大無畏
2024年09月25日 17:03
東網電視
更多新聞短片
英聯盃第3圈，利物浦主場迎戰韋斯咸。
英聯盃第3圈焦點，衞冕嘅利物浦主場迎戰韋斯咸，「紅軍」今季喺荷蘭新帥施洛領導下，繼續貫徹進攻型踢法，一眾攻擊球員全部撻着晒，而且鋒線位置競爭激烈，英聯盃正正係一眾副選球星大展身手好地方，主場必定狂轟韋斯咸，捧中位數3.5球大盤穩陣！（無綫myTV SUPER周四凌晨3時直播）
利物浦近4場賽事有3場攻入3球，火力相當驚人，佢哋坐擁超豪華鋒線，加普、達雲紐尼斯同費達歷高基艾沙等「所謂」嘅副選，全部都係獨當一面嘅頂級前鋒，今場輪換陣容下極大機會上陣，為博取表現，肯定會施展渾身解數去爭取「士哥」。
「錘仔幫」韋斯咸啱啱喺聯賽吞車路士3蛋，防守錯漏百出，不過佢哋對英聯盃相當重視，上一圈已經強陣出擊，預料今場亦會盡遣查洛保雲、富克洛等射手，同「紅軍」駁火。利物浦同韋斯咸踢法同樣進取，近年交鋒例多波入，近3次對賽總入球全開4球或以上，入球大3.5球放心捧場。
更多賠率：