家族传承！云邦美囝囝欧霸首演入2粒

周四(26日)凌晨欧霸杯赛事，荷甲球队表现唔差，川迪作客1比1逼和曼联外，阿尔克马尔亦喺主场3比2击退艾夫斯堡，其中20岁新星鲁宾云邦美首战欧洲赛即“起孖”，延续爸爸云邦美同外公云马维克嘅辉煌。

出任翼锋嘅鲁宾云邦美2年前喺荷甲上位，上季转投阿尔克马尔拎到欧霸资格，今场首次喺欧洲舞台亮相即入2球，助球队3比2反败为胜，佢爸爸妈妈亦有入场睇呢场“家族传承”嘅比赛。

鲁宾云邦美嘅爸爸系荷兰名将，踢过107场欧洲赛事，更曾协助巴塞隆拿喺2006年赢欧联冠军；鲁宾云邦美外父系前荷兰领队云马维克，佢喺2002年亦带领飞燕诺赢欧洲足协杯(欧霸杯前身)冠军，依家就轮到鲁宾云邦美发威！