【欧霸】马模地头出击劏格流
2024年09月26日 17:00
东网电视
更多新闻短片
马模主场迎战格拉斯哥流浪。
欧霸早场瑞典超盟主马模，主场迎战格拉斯哥流浪。马模主场发挥超稳定，近11场获8胜1和2负，必然趁主场出击抢分，而且球队近4次斗格拉斯哥流浪获3胜1和，格食格味浓，少让平半必拣马模。（Now 643周五凌晨零时45分直播）
格拉斯哥流浪系欧霸第一档球队，喺第二至四档都要抽中斗两队嘅情况下，第三档佢哋最唔想遇到嘅，一定系马模。事关2021/22年嘅欧联外围赛碰头，当大家以为格流会轻松过关，结果马模主场同作客两回合都以2比1赢波，将格流踢落当年嘅欧霸。马模最终更杀入分组赛，虽然小组包尾，但6场分组赛嘅出场金同门票收益，已足够佢哋壮大球队。
马模上届勇夺联赛冠军，现时亦喺瑞典超带头，喺尚馀6轮赛事下，领先次席嘅佐加顿斯11分，有馀力喺欧洲赛发展。马模啱啱喺联赛大胜赫根4比0，丹麦中场安达斯基斯甸臣梅开二度，状态大勇，球队近11次主场出击8胜1和，相反格拉斯哥流浪作客麻麻，跨季近6场作客只得1胜，近4场作客未试过入得多过1球，今场只系尽量博摸和抢1分，马模让平半绝对玩得过。
更多赔率：