古列治狂寸坦哈格　曼聯踢得渣好出奇呀？

曼聯喺歐霸盃主場同川迪打和1比1，領隊坦哈格賽後亦批評球隊表現，不過荷蘭傳奇古列治就加把口，批評同鄉坦哈格帶領嘅曼聯，踢得渣已經係「見慣不怪」。

曾效力車路士同教過紐卡素嘅古列治，喺曼聯對川迪後表示：「我想問坦哈格今個夏天又投資咗幾多百萬去建隊？曼聯今場嘅演出一啲都唔令人意外，好出奇咩？大家都已經見慣不怪。」

古列治更暗示曼聯球員都未必想聽坦哈格支笛：「我見到坦哈格全場不斷捉住阿歷真度加拿度講嘢，一個球員喺呢個時間，唯一想講嘅只有『老兄，唔好煩住我啦』！」