史高斯：曼聯增兵後同之前一樣

曼聯今夏在新股東拉特克利夫支持下大手增兵，有好多新球員，照計陣容深度同實力應該有所提升，但事實唔係咁，名宿史高斯更一針見血指出，曼聯近年似乎一直都係咁，增兵後同之前一樣。

史高斯開名指馬菲斯迪歷特加盟，同哈利馬古尼冇分別：「坦哈格明顯係想用迪歷特取代馬古尼，但我唔認為球隊實力有上升，對修咸頓場波所見，馬古尼嘅表現比迪歷特更好。」

兩位後衞比較，史高斯認為迪歷特可能強啲，但唔會好馬古尼太多，佢跟住話：「大家會有種感覺：『曼聯近年都係咁，增兵後同之前一樣』。」