未同熱刺續約 孫興民暗示出年離隊
2024年09月26日 22:05
東網電視
更多新聞短片
(Getty Images)
南韓天王孫興民踢完今季之後，效力熱刺剛滿十年，不過原來熱刺仲未搵佢傾續約，最大可能係啟動延長1年條款，講到呢件事孫仔就暗示：可能明夏離隊。
32歲嘅孫興民在哈利卡尼離隊後成為熱刺隊長，並成為球隊Icon，粉絲無數，正常情況熱刺高層一早就同佢傾續約，但竟然毫無動靜，似乎「有啲嘢」。
被問到熱刺續約問題，孫興民回應稱：「我哋冇傾過任何嘢，我好明確，只想踢好今季，我呢個年紀，在場上每1秒都好寶貴，並希望捧到盃，呢個係努力方向。」
「將來？你永遠唔會知發生咩事，但我承諾會為熱刺付出所有，過去十年一直如此，只要合約未完，我都會搏盡。」
英國傳媒分析指，孫興民今季必須幫熱刺贏得一座冠軍，先有得續約，不過熱刺已經多年冇冠，呢個條件，相信孫興民無法達成。