射門嘭嘭聲　希拉爾不滿尼馬仲未復出

尼馬養傷一年，仲未有復出時間表，使咗2億歐元同佢簽2年約嘅沙職球隊希拉爾已經等到唔耐煩，據報對尼馬已經採取放棄態度。

尼馬上周在社交平台上載一段練波片段，同兩位巴西隊友馬爾甘同馬高斯李安納度鬥射門，片段中馬尼射波嘭嘭聲，而且球球死角，兩位隊友變成觀眾睇佢表演。

尼馬射門片段：

https://www.instagram.com/p/DAG_u-8t-UO/　

西班牙傳媒報道，希拉爾高層對於尼馬已經感到厭倦，尼馬明明已經康復，但就未能復出比賽。

更甚者，就連整個沙職聯賽都對尼馬感到不滿。皆因尼馬場外某啲行為並唔專業，例如社交平台經常見佢去蒲，對自己健康唔太上心。報道指希拉爾已經唔等尼馬，明年1月之前都冇將佢納入比賽名單，實行由得佢。