射门嘭嘭声　希拉尔不满尼马仲未复出

尼马养伤一年，仲未有复出时间表，使咗2亿欧元同佢签2年约嘅沙职球队希拉尔已经等到唔耐烦，据报对尼马已经采取放弃态度。

尼马上周在社交平台上载一段练波片段，同两位巴西队友马尔甘同马高斯李安纳度斗射门，片段中马尼射波嘭嘭声，而且球球死角，两位队友变成观众睇佢表演。

尼马射门片段：

https://www.instagram.com/p/DAG_u-8t-UO/　

西班牙传媒报道，希拉尔高层对于尼马已经感到厌倦，尼马明明已经康复，但就未能复出比赛。

更甚者，就连整个沙职联赛都对尼马感到不满。皆因尼马场外某啲行为并唔专业，例如社交平台经常见佢去蒲，对自己健康唔太上心。报道指希拉尔已经唔等尼马，明年1月之前都冇将佢纳入比赛名单，实行由得佢。