【有片】前曼联组合联手 麦汤开斋锡队徽
2024年09月27日 10:00
东网电视
更多新闻短片
麦汤米尼攻入加盟拿玻里第1球。
今夏由曼联转投拿玻里嘅麦汤米尼，周五(27日)凌晨意杯32强成功开斋，佢喺前曼联队友卢卡古助攻下射入1球，协助拿玻里5比0大破巴勒莫。麦汤米尼入波后兴奋狂锡波衫上嘅拿玻里队徽，似乎已完全融入呢支意甲劲旅。
拿玻里今场赢得轻松，半场已经领先3比0，70分钟再由大卫拿尼斯入多粒，干地尾段换入麦汤米尼、卢卡古同基华拉斯基利亚，估唔到麦汤米尼入场1分钟就入波，接应卢卡古传中近门射入，呢位苏格兰国脚随即向住球迷亲吻拿玻里队徽，赢晒民心。
麦汤米尼日前表示要为拿玻里捧杯，仲大赞拿玻里球迷更胜曼联球迷：“当知道拿玻里想签我，我心入面嗰团火就燃起，拿玻里嘅球迷好疯狂，系我见过最好嘅球迷，得到干地呢种级数教练赏识，令我对自己充满信心。”