港超聯 冠忠南區士氣盛挑戰東方
2024年09月27日 19:35
東網電視
更多新聞短片
【東網按次收費直播】
香港仔運動場周六下午上演一場港超聯大戰，冠忠南區主場惡鬥東方。主隊上場驚險保住1分，士氣大增，面對下周需要兼顧「亞冠盃2」的東方，隨時有機可乘。（on.cc東網周六下午4時按次收費直播）
楊正光︰專注先做好防守
南區上仗憑基哥利完場前建功，逼和大埔1比1，主教練楊正光認為對士氣有莫大幫助，加上東方下周需要兼顧「亞冠盃2」，排陣上可能有所保留，但他預計是役仍會面對極大考驗：「雖然調動上我哋冇東方咁多顧慮，但佢哋感受過亞洲賽嘅強度之後，反而更加容易操起狀態，所以呢場都會專注做好防守先。」陣容方面，恩奴需要長唞，艾華依然有傷在身，上場領紅的陳嘉昊則停賽，而積遜雖然已投入操練，但需時提升狀態。
上場後備入替的李小恆（Raphael），就指出雖然東方防守穩健，但有信心一眾攻擊球員能夠延續近期狀態，為對手帶來威脅：「我哋班中前場球員都有唔錯嘅個人能力，如果可以好似前幾場聯賽咁，把握僅有機會入波，隨時再有驚喜。」Raphael又揚言如果今場能夠上陣，會跟足教練團部署，挑戰東方後防。
盧比度︰作客香港仔唔易啃
另一邊廂，東方同樣在上周聯賽死裏逃生，逼和九龍城，但展望今場，主教練盧比度（Chino）坦承球隊下周需分心「亞冠盃2」，硬撼廣島三箭，是役或許未能以最佳狀態應戰：「始終我哋嘅陣容深度唔算好強，預咗呢季好吃力，而且作客香港仔從來都唔易啃，加上南區開季狀態幾好，所以今場壓力都幾大。」值得一提，楊棟棋、林千裕及李俊霆因代表港隊出戰「U20亞洲盃」外圍賽，未能候命，巴杜姆則有傷在身，上陣成疑。
至於余在言（Jesse）認為南區目前狀態良好，因此對是役相當期待：「亞哥斯達同基哥利一加盟，就產生好大作用，擅長用配合打穿對手後防，前幾場聯賽對住強隊都踢到好激，希望今場同南區，合演場好波畀球迷睇！」
【兩隊預計正選陣容】
冠忠南區
門將：1.伍瑋謙
後衞：2.陳潤潼 4.川瀨浩太 14.宋柱浩 16.翟廷峯
中場：11. 佐佐木周 6.基斯 10. 亞哥斯達
前鋒：8.李嘉耀 9.基哥利 7.史提芬彭利拿
東方
門將：1.葉鴻輝
後衞：2.賀爾 3.高素巴耶夫 21.丹尼爾 19.亞歷斯祖
中場：32.林衍廷 27.馬高斯 14.余在言
前鋒：11.黃皓雋 7.巴科爾 23.馬希偉
【東網按次收費直播】