歐洲足協批准　施捷斯尼可為巴塞出戰歐聯

巴塞隆拿門將達史特根重傷收咧後，已成功遊說夏天退休嘅施捷斯尼復出，預計日內就會正式宣布加盟。據報歐洲足協已經批准呢位波蘭門將，可以即時取代達史特別嘅歐聯位置，唔需要等聯賽階段結束先至註冊。

歐聯球隊嘅25人名單喺月初已經提交，理論上要等聯賽階段結束，先至可以再做名單變動，不過根據歐洲足協條例，如果球隊嘅「A隊名單」因傷病問題，未能符合至少2個門將嘅要求，有權即時搵人代替，前提係傷病門將至少缺陣30日。巴塞喺達史特根提早收咧後，A隊名單只剩恩拿斯奧彭拿一個龍門。

34歲嘅施捷斯尼有豐富歐聯經驗，以往效力阿仙奴、羅馬、祖雲達斯合共踢過75場歐聯，但最好成績只係18/19球季隨祖雲達斯殺入8強。