洛迪接受手術　正式宣布提早收咧

曼城中場洛迪卡斯簡迪早前英超對阿仙奴，受重傷之後，飛赴西班牙馬德里接受治療，最終需要開刀，領隊哥迪奧拿確認呢位28歲西班牙國腳將會缺陣今季餘下所有比賽。

據悉洛迪卡斯簡迪嘅右腳膝部前十字韌帶及半月板嚴重受傷，經過詳細檢查後，最終決定做手術根治，並已經喺當地時間周五(27日)完成手術，開始長時間休養。

曼城主帥哥迪奧拿被傳媒問到洛迪情況時，佢話：「好不幸，洛迪出現最差結果，佢今季已經結束，下季會繼續同我哋並肩作戰，我哋會全力支持同幫助佢復元。」洛迪卡斯簡迪長期養傷之下，估計會由高華錫頂替佢嘅正選位置。