哥頓同意續長約　利物浦死心吧

早前盛傳利物浦計劃收購紐卡素翼鋒安東尼哥頓，但根據「轉會權威」記者羅曼諾(Fabrizio Romano)最新爆料，呢位23歲英格蘭國腳已經同意續約至2030年6月，粉碎離隊傳聞。

據悉紐卡素已經拒絕利物浦等各大球會嘅收購計劃，並向安東尼哥頓開出巨額合約，令佢成為隊內最高薪球員，呢位新星亦願意繼續留隊為「喜鵲」搏殺。

安東尼哥頓2023年1月以4,500萬鎊(約4.7億港元)轉會費，由愛華頓加盟紐卡素，雖然初期表現欠佳，但上季大翻生，上陣35場英超射入11球及10次助攻，並有份協助英格蘭打入今屆歐國盃決賽，因而吸引利物浦關注，希望簽入安東尼哥頓，接替可能離隊嘅穆罕默德沙拿，但現時如意算盤打唔響。