仲未落班　34岁巴洛迪利可能挂靴

34岁前意大利国脚巴洛迪利今夏离开土耳其球队代米尔，再度回复自由身，佢一直希望重返意大利，但冇球队收留，据报如果落班失败，“巴神”可能挂靴。

巴洛迪利一直希望重返顶级联赛，最想返意大利落班，传得最劲系去意乙巴勒莫，不过早前意大利杯对拿玻里赛前，巴勒莫高层已经公开回应唔会签佢：“我哋同巴洛迪利嘅传闻只系传媒炒作，我哋已经有两位前锋。”

重返意大利希望落空，现时仍然有球队想签佢，不过并非5大联赛球队，而系保加利亚班霸索菲亚中央陆军，据报巴洛迪利现时有两个选择，一系去保加利亚，一系挂靴。