佛心！迪姆華拿兩失單刀　列納：曼聯應輸6球

熱刺作客3比0大破曼聯，水銀瀉地嘅進攻贏盡掌聲，不過代替受傷孫興民上陣嘅迪姆華拿，對住曼聯夠晒「仁慈」，2次單刀都冇入波，熱刺名將列納都話：孫興民喺度熱刺會贏6比0。

熱刺今場對曼聯防線予取予攜，迪姆華拿喺左翼都有唔少威脅，可惜埋門一腳繼續敗家，上、下半場各有一次單刀射門被奧拿拿擋出，唔少網民諷刺呢位德國前鋒先係「曼聯最佳球員」。

迪姆華拿單刀失機片段：https://twitter.com/i/status/1840424537470472605　

前熱刺球星列納表示：「熱刺好勇敢，踢法好肯冒險，如果孫興民有份踢，熱刺會贏6比0......奧拿拿出迎封得唔錯，但迪姆華拿入唔到波應該要好失望。」