阿仙奴好消息！新兵有望復出鬥PSG

阿仙奴將於周三(2日)凌晨歐聯主場對巴黎聖日耳門(PSG)，賽前兵工廠有好消息，今夏新加盟中場米基爾馬連奴已經復操，有望出戰今場大戰。

米基爾馬連奴8月底由皇家蘇斯達加盟阿仙奴冇耐，不幸喺操練期間同隊友加比爾馬加希斯相撞，導致輕微骨折，至今仍然未為兵工廠披甲。當時傳出呢位28歲西班牙國腳最壞情況，需要抖2至3個月，幸好康復進度比預期，佢近日可以參加操練，備戰歐聯對PSG。

阿仙奴另一位傷兵富安健洋亦已經復操，人腳日漸完整。