尼馬終於參加團隊操練　過埋聖誕節復出？

巴西球星尼馬自上年10月因為膝部半月板及前十字韌帶受傷之後，一直未有參加任比賽，呢位32歲前鋒近日終於可以參加希拉爾嘅團隊操練，相信傷勢已經冇大礙，外媒指佢可能等到年底或明年初復出，莫非想過埋聖誕節，先至專心踢波？

尼馬喺社交網上載多張操練相片，話：「我返嚟啦，好高興可以回歸團隊訓練，現時非常高心。」

尼馬上年8月以9,000萬歐元(約7.8億港元)轉會費，由巴黎聖日耳門加盟沙特阿拉伯勁旅希拉爾，但僅上陣5場入1球，就因為代表巴西踢世界盃外圍賽對烏拉圭，受重傷一直缺陣，甚至傳出希拉爾打算放走尼馬，如果佢復出之後，交出唔表現，恐怕冇得留低。