曼聯再受打擊！法蘭基迪莊將投曼城

坦哈格兩年前上任曼聯領隊時，頭號收購目標係巴塞荷蘭中場法蘭基迪莊，但一直無下文，據報曼城睇中法蘭基迪莊，而且巴塞積極配合，最快明年1月冬窗成事。

英國及西班牙傳媒報道，洛迪卡斯簡迪重傷收咧，曼城近兩場聯賽都失分，哥迪奧拿緊急物色中場人選，結果睇中法蘭基迪莊。該荷蘭中場一直係坦哈格頭號目標，不過球員本人無意去曼聯，曼聯無法將佢收歸旗下。

由於傷病太多，法蘭基迪莊在巴塞上陣機會大減，而且由於人工太高，巴塞無法支付，雙方近期就欠薪問題鬧得頗不愉快，如果曼城斟介，巴塞將會積極配合，包括付清1,800萬歐元欠薪，再向曼城提出不會高於4,000萬歐元轉會費，此金額比當年向曼聯叫價大減一半。

對於法蘭基迪莊嚟講，去曼城當然比去曼聯好，亦可以離開欠薪嘅巴塞，可以話一舉三得。