曼聯如失下屆歐聯資格　將被贊助商罰款1億

根據英國《泰晤士報》爆料，如果曼聯未能取得下屆歐聯入場券，將會被球衣贊助商ADIDAS罰款1,000萬鎊(約1億港元)，令球會財政進一步受打擊。

據悉曼聯同ADIDAS新簽訂嘅合約，紅魔鬼由2025/26年球季開始，如果有1季冇份踢歐聯，就被會視作違約，需要罰款1,000萬鎊。

根據歐洲足協規定，英超前4位可以參加歐聯，曼聯現時排第13位，落後第4位車路士6分，由於只係季初，理論上要追並非太難。不過，以紅魔鬼近期表現，網民睇死佢哋只會被前4位球隊愈拋愈遠。

不過，曼聯仲有另一個途徑可以取得下屆歐聯參賽資格，就係奪得今屆歐霸盃冠軍。