費Sir「放棄」曼聯　寧願睇格流

曼聯上場歐霸盃驚險逼和波圖3比3，已經連續4場比賽不勝，英國傳媒指紅魔鬼傳奇領隊費格遜都「冇眼睇」，並冇入場觀看呢場賽事，寧願去蘇格蘭睇另一場歐霸盃格拉斯哥流浪主場對里昂。

據悉曼聯上輪英超0比3不敵熱刺，令入場睇波嘅費Sir非常失望，甚至傳佢已經對主帥坦哈格失去信心，所以無謂再入場睇紅魔鬼比賽，以免又睇到眼火爆。

不過，費格遜入場捧家鄉球隊格拉斯哥流浪，情況亦唔好得幾多，因為格流以1比4大敗於里昂腳下，令佢老人家再次失望而回。