港超聯　將赴巴西做手術　恩奴：想繼續留隊

冠忠南區周六（5日）在「中銀人壽香港超級聯賽」，以2比0擊敗北區，取得今季聯賽首場勝仗，在9月中對傑志一役，遭受右膝前十字韌帶斷裂的恩奴，賽後將會返回巴西接受手術，他形容南區是一個大家庭，盼能夠留隊作更多貢獻。

現年24歲的恩奴，於今夏加盟南區，可惜到9月15日對「藍鳥」的聯賽中遭受重創，預計將花長時間養傷。基斯是役射入12碼後，一眾隊友隨即走到場邊高舉恩奴的球衣，為隊友送上支持。恩奴賽後受訪時，透露下周一（7日）晚上出發往巴西接受手術，之後會歸隊養傷：「嗰吓係因為我想偷波，點知唔小心整親，搞到成個人都唔太開心，所以決定返巴西做手術，因為老婆同小朋友都喺嗰度，有佢哋喺身邊，我有信心可以快啲好番，同大家見面！」

恩奴又形容南區是個「大家庭」，盼望復出後能夠繼續為南區效力：「雖然只係幫南區踢咗3場波，但已經感覺到自己同隊波好夾，而且受傷之後，球隊所以人都好照顧我，令我有『家』嘅感覺，希望季尾甚至下季，可以繼續幫南區踢波。」