港超聯　打破入球荒　顏卓彬：報答教練信任

傑志周六（5日）坐鎮旺角大球場出戰「中銀人壽香港超級聯賽」，最終以4球擊敗港會，豪取3連勝。相隔逾1年半後再有斬獲的顏卓彬，賽後感謝教練團對自己進攻能力的信任，又表示以往一直很少以頭槌建功，直言感到十分難忘。

傑志今場再大勝而回，當中繼續客串中堅的顏卓彬，更於65分鐘接應馬查度傳中，插水式頂入，自2023年2月12日傑志對香港U23後再次取得入球，難怪賽後他亦十分開心：「非常難忘，唔好講話職業，青年軍都好似未試過頭槌入波。同埋上季深水埗陳Sir（陳浩然）同依家傑志教練團，一直鼓勵我上前進攻，依球當係報答佢哋嘅信任，嚟緊會入更多！」

9月份無緣出戰斐濟三角賽的「彬仔」，早前成功躋身港隊10月份對列支敦士登、柬埔寨友賽的決選，對於有望再為港隊披甲，兼赴歐洲比賽，他承認相當期待：「代表隊好少去歐洲，希望畀到亞洲以外嘅人，睇到港隊實力。另外，自己依幾場唔係踢常規位置，如果新教練戰術上有需要，想我踢唔同位置，我都冇所謂嘅。」