辛祖落選國家隊　英格蘭主帥講出背後原因

查頓辛祖今季由曼聯轉投車路士之後，表現大翻身，近3場英超都有助攻，但仍然落選新一期英格蘭國家隊名單，「三獅兵團」看守領隊卡斯利表示，辛祖短期回勇，並唔足以重返國家隊，仍然需要時間觀察。

卡斯利表示自己非常欣賞查頓辛祖：「我擔任曼城青年軍教練時期，好幸運有辛祖、科頓等優秀球員，亦非常喜歡辛祖，佢係1位潛力巨大嘅球員，佢近期表現出色，需要繼續努力比賽，我從來都唔認為連續踢3、4場好波，就必須入選國家隊，例如蘇蘭基憑今季及過去嘅優秀表現獲得徵召。」呢位熱刺前鋒足足等咗7年，先至再次入選英格蘭大軍名單。

英格蘭將於10月11日凌晨歐國聯主場對希臘，3日之後作客芬蘭。