薄餅店奧脫福外搞招聘　抽乾坦哈格

曼聯領隊坦哈格去留即將有結果，著名連鎖薄餅店達美樂就好識玩，周一(7日)去到奧脫福球場外做招聘廣告，但就講明唔會請坦哈格，因為公司請人會係「業績為先」。

達美樂薄餅店出動一架裝上大屏幕嘅招聘車，去到奧脫福外賣廣告，電視上面有「我哋請人」嘅字句，但同時註明「唔會請坦哈格」，擺明抽水。

達美樂發言人表示：「根據曼聯嘅表現，坦哈格應該唔使幾耐會被炒，咁啱我哋公司依家準備迎接全年最忙嘅時間，需要更多人手加入，公司想請一啲以業績為先嘅人......所以坦哈格唔係太適合。」