加利佬：高爾彭馬擁有C朗3個特質

係人都知，加利尼維利有3個弱點，如今已經成為名嘴嘅「加利佬」，用番相同方法去評述球員，佢喺高爾彭馬身上搵到類似C朗步向頂級球員嘅3個特質，究竟係咩呢？

今季車路士進攻核心高爾彭馬愈踢愈好，「加利佬」坦言，睇高爾彭馬踢波令佢諗起當年同C朗同隊6年嘅點滴，認為呢位車路士中場具備C朗嘅3個特質。

佢話：「C朗在2006至2008年步入成熟期，依家睇高爾彭馬，發現兩人有3個相同特質，就係球賽理解能力、高超技術，以及門前非常冷靜。高爾彭馬同當年在曼聯成長嘅C朗非常相似。」

「C朗可以自行決定自己踢邊個位置，重點係佢觀察到對方弱點，然後進行弱點攻擊，高爾彭馬正在做當年C朗喺曼聯做嘅工作，所以佢可以不斷入波，並且不斷製造機會。」

重溫一下，「加利佬」當年3個弱點係：「跑得慢、冇速度、唔夠快」。