麥湯米尼成意甲「跑動王」　曼聯後悔未

麥湯米尼今夏由曼聯轉投拿玻里後，穩坐正選，並創出一項驚人數據，平均每場意甲跑動距離達到11,911米，屬於意甲球員之冠，成為拿玻里「發動機」。

麥湯米尼上季為曼聯各項賽事上陣43場入10球，創出個人單季入球新高，但仍然被紅魔鬼出售。呢位27歲蘇格蘭國腳加盟拿玻里後，深受教練干地重用，佢亦踢出身價波，繼早前意大利盃對巴勒莫入波之後，上場意甲對科木亦建功，近3次上陣入2球，表現攻守兼備，成為拿玻里排意甲榜首嘅臣功。

反觀，曼聯豪花5,000萬鎊(約5億港元)收購嘅中場文路爾烏加迪表現平庸，球隊現時僅排英超14位，同拿玻里及麥湯米尼形成強烈對比。