坦哈格暫時安全　下個難關係對寸王

曼聯喺倫敦嘅「高峰會議」開咗6個鐘頭結束，據報會方並無傳出換帥消息，表示坦哈格暫時安全，有分析指坦哈格下個大關口係本月下旬歐霸盃對費倫巴治，到時會同前主帥摩連奴正面對決。

今次會議由新股東拉特克利夫主持，格拉沙家族代表，以及一眾管理層，開咗6小時會議後並無任何公布，仲避開現場守候嘅傳媒，各自運後門離開。

曼聯內部並無傳出換帥動作，亦沒有斟介新帥消息傳出，表示國際賽過後，坦哈格將繼續領軍，聯賽重開將會主場迎戰賓福特。

除了坦哈格留任，英國傳媒報道，會方還應坦哈格要求，花費20萬鎊(約200萬港元)在卡靈頓中心興建圍牆，防止訓練內容外洩。

英國傳媒分析，雖然坦哈格留任，但接下來幾乎每一場比賽都是一個關口，而下個大關口就係10月25日凌晨歐霸盃，曼聯作客由摩連奴執教嘅費倫巴治，到時新舊兩位主帥正面對決，可以話係「世紀大戰」。