格連活特重生　身價回復高峰期七成

格連活特今夏離開曼聯，轉投馬賽後表現大爆發，7場交出5球1助攻，成為法甲最佳射手之一，其身價亦不斷上升，《轉會市場》更新球員身價，格連活特身價升到3,500萬歐元，相等於其高峰時期7成。

格連活特出道不久就展現極佳天賦，2020年10月其身價估計已經達到5,000萬歐元，不過當時已有評估，如果有歐洲頂級豪門探盤，其轉會費可以達到1億歐元以上，而當時格連活特只有19歲。

可惜後來發生家暴及性侵女友事件，格連活特身價暴跌，甚至要離開賽場一年避風頭，後來雖然其女友撤回指控，但球迷及贊助商反對，令曼聯被逼將佢外借及出售。

馬賽今夏以2,600萬歐元買入格連活特，可謂超值，雖然條款包含曼聯可獲2次轉會分成50%，但幾多錢都補唔返冇咗個天才射手嘅損失，特別係曼聯依家進攻啞火，就更加無奈。