黃喜燦疑受重傷　南韓贏波代價沉重

周四(10日)世盃外亞洲區賽事，南韓作客2比0擊敗約旦，不過佢哋亦付出沉重代價，主力前鋒黃喜燦喺比賽早段被踢傷，左腳足踝懷疑嚴重受傷，對南韓同狼隊都係一大打擊。

南韓今場缺少孫興民，黃喜燦就成為眾矢之的，20分鐘被粗野踢傷後，要由兩名軍醫扶住離場，賽後亦由隊友「孭」住去答謝作客球迷。更慘嘅係，入替黃喜燦嘅史雲斯前鋒嚴智星，喺下半場早段亦被踢傷，賽後要拎枴杖，傷勢似乎更加嚴重。